“هر ملته، هر کسه اوز دیلینده مدرسه”

احد واحدی

مهرین اولی یاخینلاشیر. دئمک پاییز باشلانیر و مدرسه لر آچیلیر. یئنه اوشاقلار مین بیر شووق ایله، مین بیر آرزو ایله درسه باشلییاجاقلار. هله ده ایراندا یاشایان فارسلاردان باشقا ملتلرین (تورکلرین، کردلرین، ترکمنلرین، عربلرین، بلوچلاربن و باشقا ملتلرین) اوشاقلاری گره ک ائوده، محیطده اویره ندیگلری “آنا دیللری” نی بیر یانا بوراخیب و مدرسه لرده اونلارا تانیش اولمایان باشقا بیر دیل یعنی فارس دیلی ایله اویره نمه گه باشلاسینلار. حیاتیمیزین کولتوره ل ساحه سینده بو دهشتلی فاجیعه، نه زامان سونا چاتاجاق، هله بللی دگیل. مسئله بوراسیندادیر کی، ایراندا یاشایان ملتلرین آنادیللرینین آزاد اولماسینا اسلام جمهوری سینین سنیق سالخاق قانونی بیر حدده اجازه وئریر؛ رئیس جمهور، سئچیم قاباغی تبلیغاتیندا، “آنا دیللری” نین آزادلیغینا دوغرو چوخلی وعده لر وئرمیش، گئچن ایللرده روحانی نین ملتلره عاید اولان ایشلره مخصوص معاونی علی یونسی دئمیشدیر: “”آنا دیللری” اوز یاشادیغلاری یئرلر و منطقه لرده، مدرسه لر و دانشگاهلاردا تدریس اولوناجاق”! و بونا عاید بیر قانونون مجلسه گونده رمه سیندن سوز آچمیشدیر. بونونلا بئله شاه زمانیندان قالان و اسلام جمهوریسی دورونده یئنی دن بئجه رن شوونیستی دوشونجه لی “بیر مملکت، بیرملت، بیر دیل” شعاری آلتبندا ال – آیاق چالیب و سیاستلرینی سوردوره ن بارامازلار، آنا دیلی نین آزادلیغی اوغروندا تلاشلارا، دایانمادان انگل توره لدیرلر. بو ملی حق سیزلیک ۹۰ ایلدن آرتیقدیر کی بیزیم مملکتی نفسدن سالیب؛ نه قدر استعدادین چیچکلنمه سینه مانع اولوب و نه بویوک فاجیعه لره سبب اولموشدور.
بو آرزو ایله کی نه قدر تئز بو انسان حقلرینه قارشی، ضد ملی حرکته سون قویوب و مدرسه لریمیزی پاییزین باشلانیشیندا، آنا دیلی طراوتیله باهارلاندیریب و استعدادلاریمیزین چبچکلنمه سینه میدان آچاق، مهر آینین بیرینجی گونونو بوتون محصللریمیز و دانشجولاریمیزا تبریک ائدیره م. اونلارا بو یئنی تحصیل ایلینده بویوک نائلیتلر آرزولایرام.

مهرین اولی یاخینلاشیر. دئمک پاییز باشلانیر و مدرسه لر آچیلیر. یئنه اوشاقلار مین بیر شووق ایله، مین بیر آرزو ایله درسه باشلییاجاقلار. هله ده ایراندا یاشایان فارسلاردان باشقا ملتلرین (تورکلرین، کردلرین، ترکمنلرین، عربلرین، بلوچلاربن و باشقا ملتلرین) اوشاقلاری گره ک ائوده، محیطده اویره ندیگلری “آنا دیللری” نی بیر یانا بوراخیب و مدرسه لرده اونلارا تانیش اولمایان باشقا بیر دیل یعنی فارس دیلی ایله اویره نمه گه باشلاسینلار. حیاتیمیزین کولتوره ل ساحه سینده بو دهشتلی فاجیعه، نه زامان سونا چاتاجاق، هله بللی دگیل. مسئله بوراسیندادیر کی، ایراندا یاشایان ملتلرین آنادیللرینین آزاد اولماسینا اسلام جمهوری سینین سنیق سالخاق قانونی بیر حدده اجازه وئریر؛ رئیس جمهور، سئچیم قاباغی تبلیغاتیندا، “آنا دیللری” نین آزادلیغینا دوغرو چوخلی وعده لر وئرمیش، گئچن ایللرده روحانی نین ملتلره عاید اولان ایشلره مخصوص معاونی علی یونسی دئمیشدیر: “”آنا دیللری” اوز یاشادیغلاری یئرلر و منطقه لرده، مدرسه لر و دانشگاهلاردا تدریس اولوناجاق”! و بونا عاید بیر قانونون مجلسه گونده رمه سیندن سوز آچمیشدیر. بونونلا بئله شاه زمانیندان قالان و اسلام جمهوریسی دورونده یئنی دن بئجه رن شوونیستی دوشونجه لی “بیر مملکت، بیرملت، بیر دیل” شعاری آلتبندا ال – آیاق چالیب و سیاستلرینی سوردوره ن بارامازلار، آنا دیلی نین آزادلیغی اوغروندا تلاشلارا، دایانمادان انگل توره لدیرلر. بو ملی حق سیزلیک ۹۰ ایلدن آرتیقدیر کی بیزیم مملکتی نفسدن سالیب؛ نه قدر استعدادین چیچکلنمه سینه مانع اولوب و نه بویوک فاجیعه لره سبب اولموشدور. بو آرزو ایله کی نه قدر تئز بو انسان حقلرینه قارشی، ضد ملی حرکته سون قویوب و مدرسه لریمیزی پاییزین باشلانیشیندا، آنا دیلی طراوتیله باهارلاندیریب و استعدادلاریمیزین چبچکلنمه سینه میدان آچاق، مهر آینین بیرینجی گونونو بوتون محصللریمیز و دانشجولاریمیزا تبریک ائدیره م. اونلارا بو یئنی تحصیل ایلینده بویوک نائلیتلر آرزولایرام.

۱۳۹۵ شهریورین سونی


بخش: سياست | چاپ چاپ | بدون نظر
 


نظریزی یازین / ارسال نظر