مش قوربانعلی و چیلله گئجه سی!

Bildergebnis für ‫طنز شب چله‬‎

چیلله گئجه سی یئتیشدی یولدان

فامیل توکولوبدی ســـــاغ و صولدان

مش قوربانعلی دوشوبدی قولـدان

دورد اللی یئییر جویــــز – میلاخ دان!

آرواد گـــــوز آغـــــاردیـری قیـــراخ دان!!

*

سفرایه ائدیبدی حمله شیر تک

تئز تئز یی ییری انار و پشمک

آجیللره هی ووروبدو پاتک

بئش قابی بوشالدیب اوسته – اوسته

تکجه سئچیری باداملا پوسته !

*

چون سینی ایچینده گلدی قارپیز

قوربان دئدی : گل بو سمته آی قیز!

قَش قَش یئدی قارپیزی آمانسیــــز

هیچ کیمسه آلانمادی الین نن

قارپیز سویی آخدی سققلین نن!

*

مجلس صاحابی سوسوب، قالیب واه!

گاهدان گولوری: دئییر ماشاللاه!

قلبینده دئییر ولی : آی آللاه!-

دورد اللی بوجور یئمه خ نه ایشدی؟

واه واه بو کیشی نه گورمه میشدی!

*

بیر کیمسه یه وئرمیری ماجالی

تئز تئز سویور آلما -پرتقالی

تا که گؤرور ائو صاحاب بو حالی

هی چئینیری هیسله دیل دوداقین:

آی قارنی شیشه بوجور قوناقین!

*

Bildergebnis für ‫طنز شب چله‬‎یئدی ، دالبادال چای ایشدی

قارقیش اوخی مقصده یتیشدی

تیخماق اثرین ده قارنی شیشدی

بیردن بیره ناله سی اوجالــدی

مجلس صاحابی خطایه قالدی!

*

آرواد دئدی : ای وای اؤلدی قوربان!

دور ماشینی فوری یاندیر اوغلان!

تا کـــــــــــــه آپـــــاراق مطبّه الآن

یئردن اونو قووزادی قوناقلار

آلدی بئلینه اوغول به ناچار

*

ایستیردی چیخا اتاق دان اوغلان

ائتدی الینن اشاره قوربان

گوردو آتاسی دئییر یاواشدان:

اوچ -دؤرد تیکه حالوا اولسا خوشدی

معده م دیه سن بیر آزجا بوشدی!!


بخش: ادبيات | چاپ چاپ | بدون نظر
 


نظریزی یازین / ارسال نظر