یئر اوزی عشقین اوزی اولانا قدر

عدنان یوجل / حاضیرلایان: بهرام حسینی

Bildergebnis für adnan yücelعشق سیز و پارچا پارچا ائیدی یاشایش

بیر اینانجین اوجالیغیندا تاپدیم سنی

بیر داعوانین گوزل لیغیندا سئودیم.

قورتولمادی هله، واردی او دعوا و اولاجاق

یئر اوزی، عشقین اوزی اولانا قدر!

***

عشق دئمیشدی، یاشایشین بوتون اوستالاری

عشقینن سئومک بیر گوزلیغی

و دووشه بیلمک او گوزلیغین اوغرونا.

باخ

بودور اوزونده بادام چیچکلری

ساچلاریندا گولن توپراق

و تازه بهار.

سن میسن سنی سئودیگیم او داعوا؟

سن او داعوانین گوزلیغی میسین یوخسا…

***

بیر اینانجین اوجالیغیندا تاپدیم سنی

بیر داعوانین گوزلیغیندا سئودیم.

مین دفعه بودادیلار کورپه قولاریمیزی

مین دفعه سیندیردیلار.

گئنه چیچئک آچیب میوه دئیز

مین دفعه قورخودا بوغدولار زمانی

مین دفعه اولدوردولر

گئنه دوغماغ داییز ایندی, گئنه سئوینج ده.

قورتولمادی داها واردی او داعوا و اولاجاق

یئر اوزی عشقین اوزی اولانا قدر.

***

گئچدیغیمیز او ایلک چشمه لردن بری

سویون آیاغلاری اولموشدور آیاغلاریمیز

الریمیز، داشین و توپراغین اللری.

یاغیشا سوسوزلامیش سحرلرده چوخالاردیک

مراسم لرله یغیشیردیک

سیزین یادلاریزا.

ماهنیلار اوخوردوک هی بیر تاردان

بیر سئسدن، بیر اورکدن.

داغلارا بیز وریردیک رنگینی،

حله، بئله تاراج اولمامیشدیرگئنج لیغیمیز…

***

نه گون باتیشی، اُلولرین یاس لارینا

نه دان یئری ایشیلتیسی، دوغوملارین سئوینجینه

ای بیر الینده گوراکن لر یارادان،

بیر الینده مامالار چاغیران دنیا

بو چاغیریشمیز یالنیزجا سنه دیر

یاشاماسینا، یاشاماقدایئز گوزلیگینی

قورتولمادی داها واردی او دعوا و اولاجاق

یئر اوزی عشقین اوزی اولانا قدر!

***

قصرلر، سلطنت لر، چوکر

قان سئسدن دوشر بیر گون

ظلم گئچر.

بنفشه لرده آچار استوموزده

لک لک لر ده گولر.

بوگون لردن سونرا،

بیر صاباحا گئدن لر قالار

بیرده صاباحلار ایچون دیرئنن لر…

***

شعرلر دوغولاجاق یولوندا گئنه

حس لر ینی دن یاغاجاغ داها بئله.

و اورک خیال لارینین هئچ اله گئچمه ین نقطه سینده

ای هر شئی قورتولدی دیئن لر

قورخونون سفره سینده اوزی قارالیق ییئن لر.

نه پیس لیکلر ایچینده دیره نن چیچک لر

نه شهرلرده چوخالان آجیغلار

حله الوداع دئمه دیلر.

***

قورتولمادی داها واردی او دعوا و اولاجاق

یئر اوزی عشقین اوزی اولانا قدر!

ایلک چاپ ۱۹۸۶


بخش: متفرقه | چاپ چاپ | بدون نظر
 


نظریزی یازین / ارسال نظر