یالقیز قارا آغاج
سن آدام لاردان وفا گورمدین.
سویکش میش ،او بویوک،توم بوتاغلاردان
دردلی قلبیوی اورتایا آلیپ
لاکن بو سیرلی محنت چکمیش اوره گین
اوزون ایل لردن بری دوگونمکده دیر
سن تک سن دره نین یالقیز آغاجی
من تک ام، یالقیز در شهر ده هامی..
لاکن تک لیکده…..بیریک ،قارا آغاج!
شاعیر “اوختای”
یالقیز قارا آغاج شعرینده ن ۱۳۴۱٫۳٫۶
توسط بیر یولداش در تیر ۲۹, ۱۳۸۹ | پاسخ
کوسدوگوم بیجا دئییل من آشنادن کوسموشم
دکتر غلامرضا بوداغی (قولو)نون فاجعهلی و آجی یاشاییشی، اونونلا یاخیندان تانیش اولان آدامی، و خصوصیله شمالی آذربایجاندان ایرانا قاییداندان سونرا اونون باشینا گلن اولایلارا شاهد اولان بیر کیمسهنی، چتینکی، سارسیتماسین. زاواللی قولو، آیاغین ایران تورپاغینا قویاندان بری تا تورپاغا تاپشیریلانا قدر بیر خوش گون – سن دئهگیلن خوش بیر ساعات- گؤرمهدی.
بیز، بعضن اوزاق آداملار الیله یوخ، ائله لاپ یاخین آداملاریمیزین الیله، بیگانهلر طرفیندن یوخ، لاپ اقربالاریمیزین واسطهسیله، دوشمنلر الینده یوخ، آنجاق وجدانسیز و آنلاماز «دوست» (!!)لارین یئرسیز تهمتلری آلتیندا مظلومجاسینا، اودا بیر دفعه یوخ بلکه مین کَره اؤلوب دیریلیریک. بئلنچی، بلانسبت «آدام»لار، خوش گونده، میلچک شیرییه قونان کیمی، انسانین دؤورهسین آلیب… بد گونده اوندان بیر خبرده توتمازلار.
بیزده، ایشسیز- پولسوز قالان واخت، (احتیاطلا دانیشیب هامیسیندا دئمهسمسه) بیر چوخ کرخاناصاحاب، شرکتصاحاب و نهلر صاحبی اولانلار … گئجهلر «روشنفکر»ی مجلسلرده سامان کیمی پول خرجلهییب، «ایشچیلر و زحمتکشلر» شرفینه ایچگیلر ایچنلر، قیز- اوغلانلارینا شاهلار سایاغی طوی مجلسی قوروب، و مجلسلری اوچون تورکیه اؤلکهسیندن دکور دوزلدن چاغیرانلار، و سؤز مقامینا گلدیکده، بیژن جزنیله بیرلیکده حبس چکدیکلرینی طرفین اوزونه چکن به اصطلاح «آدام»لار … وار.
قولونون قیسا سورموش عائلهوی حیاتی یاخین آداملاری طرفیندن داغیلمیش، هله اونون حیات یولداشینا «صاحب» چیخانلاردا اولدو.
باشقا طرفدن معیشتین چتینلیگی سون ایللرده قولونو نورمال احوال- روحیهدن چیخاریب، پسیخولوگیاسینی تامامن دییشدیرمیش، اوندا «انسان» اوچون بیر جوره نفرت یاراتمیشدی (نییه یاراتمیییدی؟) اونو زَهَر کولونا چئویرمیشدی (نهاوچون چئویرمهییدی؟).
دئیه بیلمهرم بیر آن بئلنچی وضعیتی تصور ائدیب، گؤرون آدام نه حاللارا قالار، چونکی سؤیلهدیگیم مؤوقعیتی تجروبه ائتمهین آدام، مومکوندو «چتیندی» – دئییب، بو سؤزلری تصدیق ائتسین، لاکن اونو اورکدن درک ائده بیلمز.
بیلمیرم داها نه دئییم… هاردان دئییم… نه تههر دئییم…
منجه، قولو انتحار ائتمهدی، اونو انتحار ائتدیردیلر…
بیر یولداش
ـــــــــــــــــــــــــــــــــــــــــــــــ
رجا ائدیرم آدیم و ایمیلیم قورونسون
توسط آی در مرداد ۲۸, ۱۳۸۹ | پاسخ
یالقیز قارا آغاج
سن آدام لاردان وفا گورمدین.
سویکش میش ،او بویوک،توم بوتاغلاردان
دردلی قلبیوی اورتایا آلیپ
لاکن بو سیرلی محنت چکمیش اوره گین
اوزون ایل لردن بری دوگونمکده دیر
سن تک سن دره نین یالقیز آغاجی
من تک ام، یالقیز در شهر ده هامی..
لاکن تک لیکده…..بیریک ،قارا آغاج!
شاعیر “اوختای”
یالقیز قارا آغاج شعرینده ن ۱۳۴۱٫۳٫۶