مددی نین چیخیشی ملی دموکراتیک مبارزه تاریخیمیزده علامتدار حادثه دیر
هر شئیدن اول سیروس مددی جنابلارینی،«21 آذر و بوگون» باشلیغی آلتیندا آذربایجان ملی حکومتی نین 63 – نجی ایل دؤنومو ایله باغلی چیخیشی مناسبتی ایله تبریک ائدیب، صمیم قلبدن اؤز درین منتدارلیغیمی بیلدیریرم.
آذربایجان ملی دموکراتیک مبارزه تاریخی نین ان جدی تدقیقاتچیسی اولان سیروس مددی نین چیخیشی، سؤزون حقیقی معناسیندا بیر علامتدار حادثه کیمی دگرلندیریلیر. مؤلف بو چیخیشیندا – و همچنین بونونلا باغلی «گون آذ» تلویزیونی ایله مصاحبه سینده ، تکجه اؤزونون یوخ، بلکه گنیش مقیاسدا ایران آذربایجانی اینتبکتوآل ملی دموکراتلارین اوره ک سؤزلرینی عکس ائتدیرمیشدیر. درین بیلگییه، علمی صداقته، اخلاقی جسارته مالک اولان مددی نین بو چیخیشلاری ملی – دموکراتیک مبارزه میزین داها منطقی و دوزگون استقامته دوغری یؤنه دیلمه سینده حل ائدیجی رولو واردیر.
آرزو ائدردیک کی مددی نین نوبتی چیخیشلاری، خطی بللی اولان «گون آذ» تلویزیونی واسطه سیله یوخ، ائله همیشه اولدوغو کیمی «آذربایجان» و دیگر مترقی سایتلاردا کتبی صورتده دوام ائتسین. محترم مددی جنابلارینا محکم جان ساغلیغی و علمی- اجتماعی فعالیتینده یئنی یئنی اوغورلار دیله ییرم.
برلین
محمد علی حسینی
12.02.2009