|
||||||
|
آزادلیق رادیوسو - خدیجه اسماعیل اووا
ژورنالیستین نئیه گؤره حبس اولوندوغو بللی دئییل
ایراندا آذربایجانلیلارین ملی حقوقلاری و قادین حقلری اوغروندا حرکتلرین فعالی، ژورنالیست شهناز غلامی نویابرین ۹- دان ۱۰- آ کئچن گئجه حبس اولونوب. ایراندا آذربایجانلی سیاسی محبوسلارین مدافعه انجمنی (آداپ) ژورنالیستین عائلهسینه استنادا" بیلدیریر کی، غلامی حبس اولونارکن ائوینده آختاریش آپاریلیب. حبسخانایا سالیندیقدان سونرا ایسه اونا قوهوملاری و وکیلی له گؤروش امکانی وئریلمهییب. غلامینین هانسی اتهاملا حبس اولوندوغو دا بللی دئییل. ایکی آی اول تبریز انقلاب محکمهسینین ۱- جی شعبهسی غلامی یه دؤولت قورولوشونا قارشی تبلیغات اتهامی ایله ۶ آی حبس جزاسی وئرمیشدی. غلامی حؤکمدن تجدید نظر شکایتی وئریب. حؤکمون قوهیه مینمهسی اوچون اونا تجدید نظر محکمهسینده باخیش باشا چاتمالیدیر. بونلاری «آزادلیق» رادیوسونا تبریزلی ژورنالیست حسن ارک دئییب: «اگر قرار اولسا بو حؤکمه گؤره توتاردیلار، بو جور گئتمزدیلر. احتمال ائتمک اولار اونو باشقا بیر اتهاملا حبسه سالیبلار». حسن ارک دئییر کی، شهناز غلامی نین حبسینه سبب اونون سون زامانلار ملی حقوقلار اوغروندا حرکاتین فعالی غلامرضا امانی نین آوتوموبیل تصادفووندا اؤلومو ایله باغلی ایرهلی سوردوگو احتماللار اولا بیلر :: «خانیم شهناز غلامی بئله دوشونوردو کی، مهندس امانی نین دوشدوگو آوتوموبیل تصادفی خصوصی آداملار، احتیمال کی، دؤولت آداملاری طرفیندن تشکیل اولونوب. بیزیم ده حکومتین نظرینجه، بئله فیکیرلر سؤیلمک اغتشاش سالماق، اجتماعی فیکرده تشویش یاراتماق ساییلیر. اولا بیلسین کی، شهناز غلامینی بو فیکیرلرینه گؤره حبس ائدیبلر». شهناز غلامی بو احتماللاری مؤلفی اولدوغو «azarwomen» بلوقوندا دا درج ائدیب. حسن ارکین سؤزلرینه گؤره، عمومیتله، شهناز غلامی فعال قادین اولدوغو اوچون تعضییقلره معروض قالیر: «قادینلارین حقلری اوغروندا چالیشیر. آذربایجان ملی حرکاتی - بیزیم حریتیمیز، دیلیمیز، مدنی حقلریمیزله باغلی یازیلار یازیر. اساساً، ژورنالیست کیمی فعالدیر. قادین مسئلهلری ایله باغلی بیر وب- صحیفهسی واردی، اوردا و مختلف قزئتلرده یازیر. عمومیتله چوخ چالیشقان بیر خانیمدیر. اونا گؤره ده فعالیتی نظره تئز چارپیر». شهناز غلامی خلق مجاهدلر حرکاتیندا سیاسی فعالیتینه گؤره ۱۹۸۹-جو ایلدن ۱۹۹۴- جو ایله دک حبسده اولوب. ۲۰۰۷- جی ایلین ماییندا ایسه او، «ایران» قزئتینده آذربایجانلیلاری تحقیر ائدن کاریکاتور ایله باغلی اعتراضلارین ایل دؤنومونده اشتراکینا گؤره ده بیر آی حبسده ساخلانیلمیشدی. شهناز غلامی «azarwomen » بلوقونون یارادیجیسی و ایراندا قادین ژورنالیستلر انجمنینین («رزا») عضوودور. |
||||||
|
"آذربایجان"
دا
یازیلان مطلب لردن
باشفا سایت لار ویایینلاردا
فایدالانماق، |
||||||