|
||||||
|
|
محمّد قاضی حیـوان دوشونجهسی
ـ بالا چوبان! من داغـین اتهییندهكی كنده گئدیرم. آخشام قاش قارالاندا قایـیداجاغام، سورودن میغایات اول. ایتلر ده كی، یانـیندادیر. سونرا سوروشدو: تك قورخمازسان كی؟ من بیلمهدیم كی، قورخارام یا یـوخ! یالنـیز گولومسهدیم. آتام الینی كورهییمه ووروب دئدی: باراكاللا اوغلوم! بیلیردیم كی، قورخمازسان، سن داها بیر كیشی اولموسان! آتام گئتدی... آخشام اولدو. من نه قدهر گؤزلهدیم، آتام گلمهدی. اؤز- اؤزومه دئدیم: حتماً گئجهنـین قارانلیغـیندا یـولو ایتیریب، هاردان اولسا سحر گلر. اورهییمه قورخو دوشموشدو، یاتا بیلمیردیم. ایتلر ده یاتمیشدیلار... بیر سس ائشیتدیم، گؤرهسن كیمدیر؟- دئدیم؛ آدامدیر، یوخسا جاناوار... سسلهدیم: آتا... آتا! جاواب گلمهدی. یـئنه هامان سسی ائشیتدیم. سانكی بیری حزین سسله آغلایـیردی. دیقّتله باخدیم... قارانلیقدا گؤزوم بیر بالاجا آیییا ساتاشدی. ایستهدیم ایتلری هایلایام. دیلیم توتولدو. آیی منیم ایكی آددیملیغـیمدا دایانمیشدی. بیر الینی گؤیه قالدیریب، آغلایـیردی. یاخشی باخدیم حـیوانـین آیاغـینا بیر چالغی تیكان باتمیشدی. تیكانی آیـینـین آیاغـیندان چیخارتدیم. آیی آغلاماق سسینی كسیب و درحال اورادان اوزاقلاشدی. منیم حالیم اوًزومه گلدی، قورخودان چیخدیم، آمما یـئنه ده یوخوم گلمهدی. گئجه یارییا چاتمیشدی. قویونلار، ایتلر یاتمیشدیلار. آتامدان یـئنه خبر چیخمادی. آی سود كیمی ایشیغـینـی داغ- داشا سالمیشدی... یـئنه بیر سس قولاغـیما چاتدی. یاخشی باخاندا ایكی آیـینـی گؤردوم. آنا و بالا اللرینده بؤیوك بیر شئـی گتیریردیلر. قورخودان ایتلری اویاتدیم. آیـیلار ایتلری گؤردوكده اللریندهكی شئـیی یـئره قویوب گئری قایـیتدیلار. من یاواش- یاواش او شئیه یاخینلاشدیم؛ بیر بال پتهیی گؤردوم. دئمه، آنا آیی منه بال سؤوقات گتیرمیشدی. آخی من اونون بالاسینی آغـیر درددن قورتارمیشدیم. سحر آچیلاندا، آتام گلدی و من اونا ماجرانی دانیشدیم، آتام گولدو و چوبوغونون توستوسونو گؤیه اؤتوروب دئدی: ـ اوغول! آنالار چوخ بؤیوك ایشلر گؤرهر، بال گتیرن آیی دا بیر آنادیر...اوغلوم... آنا! آذری نمره 9 |
|||||
|
"آذربایجان"
دا
یازیلان مطلب لردن
باشفا سایت لار ویایینلاردا
فایدالانماق، |
||||||
بو
خاطره هئچ واخت منیم یادیمدان چیخماز. من چوبانلیق ائدن ایللرین
بیرینده یای فصلی هر ایلدهكی كیمی «شاهوئردی» یایلاغـینا كؤچ ائتدیك.
من او زامان آتامین یانـیندا كؤمكچی گئدهردیم. هامی منی «بالاچوبان»
سسلهیردی، بیر گون من آتاملا یایلاقدا قویون - كئچیلری اوتاریردیم كی،
آتام اوزونو منه توتوب دئدی: