|
||||||
|
ب. چاياوغلو
1350 قاپ باجاني دؤيور كولك دهشتدن دؤيونور اوره ك ، نئجه آچيم ـ هارا قاچيم . گؤزلويومو آراييرام ـ سيلَم تاخام گؤزلريمه ، قانادلانام سؤزلريمه . آچام قونام ائل باغينا ، ساوالانين قوجاغينا . آيدين سحر سوراغينا . بير قيغيليجيم اود اولام من ـ آزادليغين اوجاغينا . بيليرم كي يول گئتمه سم دوناجاغام، ترپشمه سم ، لَئشخورلارين اَللرينده قالاجاغام . آغير يوك وار كوره ييمده ، حيات عشقي ديله ييمده : نه لر ياتيب ، نه لرآليب ، نه لر ساتيب . كيم لرله باش باشا قاتيب ، ياشاييشين باغچاسيندان ، گواللر سولدو شاختاسيندان .
سينه ني حسرت دارادي ، سؤزلريمي درد چولقادي ، جان بير قاليب يولداشلاريم : هارا گئدهر كن آرادي . “ صمد” اكدي : “بهروز” دَردي “ اوختايي” يادا سالاركن يارام يامان كووره لندي
آمما بو گون داغ دؤشونده سال قايانين كؤلگه سينده يئني بير گول داش قوينوندان آستا ـآستا باش قالديرير، عطير يايان قوخوسوندان ـ حياتين مارشين چالديرير . امما “ صفر ” : يوردوموزون قهرماني ، ستار خاني ـ باقر خاني ، بابكيمين يادگاري . ديزه چؤكدوردو اؤنونده ـ روشن ساياق بئيي ـ خاني ، بير آن ديليندن سالمادي ـ ائل اوباني : "ياشاسين آذربايجاني" .
كاش گونلرده ، ديل اولايديم ، كاش بير اَسن يئل اولايديم ،دويونلرده ، ماغارلارداكاش سازلاردا تئل اولايديم ،كؤنول لرده ، اوره ك لرده ،خوش نغمه لي ديلك لرده ـچيچك ـ چيچك گول اولايديم ،آزادليغين باغچاسيندا ـگول آچماميش سولمايايديم . |
||||||
|
"آذربایجان"
دا
یازیلان مطلب لردن
باشفا سایت لار ویایینلاردا
فایدالانماق، |
||||||
